聖誕節最有氣氛Staycation 酒店
今年喺疫情後最有氣氛嘅聖誕節
見到愉景灣有好多聖誕佈置，仲有飄雪添！
即刻帶埋契女去Staycation
契女最鍾意同我玩，見到我就好開心🥰
我專登早少少去到Check In
當日喺星期日，咁啱有對新人喺海濱白教堂辦婚禮，所以好多賓客，酒店服務都好快好有效率。仲好細心講解坐咩車去愉景廣場，原來住客可以免費坐專車過去愉景廣場。約好時間，準時上車就得。
酒店活動中心精心安排了一系列休閒活動，包括單車出租、親親馬兒及迷你高爾夫球體驗等，以豐富住客的小島度假體驗。
之後再訂埋第二朝嘅早餐時間
有7-9am 或 9-11am 選擇就可以上房
今次住山景房，房間都偏大，房景開揚望住青巒翠谷，令人心曠神怡。好似置身於美麗的大自然懷抱中。
最鍾意個浴缸🛁旁有透明玻璃，可以喺床上面睇住契女玩浴球，小朋友玩起水嚟分分鐘玩成個鐘😂
因為今日有新人結婚，所以封咗教堂位置，我哋就無喺教堂前打卡影相。
海濱白教堂真係好靚，想當年結婚都考慮過呢度。之前都嚟打卡影過好多次教堂🥰
我地直接去咗旁邊嘅歐陸建築意式教堂瘋狂打卡
今年聖誕節🎄燈飾真喺好靚，6點正仲有飄雪玩。成班小朋友玩得勁興奮，玩到成頭泡🤣
玩到累就坐專車去愉景廣場，喺海旁選咗間餐廳食飯，喺海邊真係好有渡假風，好Relax。
第二朝食自助早餐。早餐好多選擇，大人小朋友都好啱食。好鍾意餐廳特意採用落地大玻璃窗來引入明媚的陽光，令餐廳倍感開揚明亮，寬敞舒適。
享受埋個自助早餐，我哋仲去咗二樓嘅兒童天地
兒童天地所提供的玩具和遊戲應有盡有，可讓小朋友在内盡情嬉戲玩耍，享受樂趣無窮的時刻。
寄存行李之後再去多次愉景廣場行吓。愉景灣嘅居民都好親切，好多外國人，連小店嘅產品都好有外國特色。
想放鬆心情，遠離繁囂嘅市區，嚟愉景灣真喺暫時忘記煩惱嘅地方，彷如去咗世外桃源。
喺香港都好有渡假嘅感覺。
好好享受了一個悠閑假期。
#我想收聖誕禮物 #全民打卡企劃
@aubergedbay #愉景灣酒店 #aubergediscoverybay
#海濱白教堂 #WhiteChapel #歐陸建築 #staycationhk #staycation #香港好去處 #打卡景點 #我想收到CHU聖誕擴香套裝
